ارحب هلابك مرحبا بك وحياك =حياك مرحب ياهلا ياهلابك
كم مرةً جيت ابمواصيل لرضاك =وتصك في وجه المواصيل بابك
لبى الغنج لبى الدلع لب لاماك =لبى الحقيقه فيك لبى سرابك
لبيه مدري ويش حتى خفاياك =لبى خطاك ولب حتى ترابك
خذ كف يمنايه على كف يمناك =ثم ضمني يانعنبو من غدابك
اشتاقلك واموت بك واترجاك =يالعن ابو حيك ويلعن شبابك
هذا هو الشوق الحقيقي اليا اغراك =تجي على اللهفه تعوض غيابك
وانا بضمك كل ماقلت لي هاك = هاك العذاب وغير غيري عنابك
وخل الشفايا تمتزج مع شفاياك=وارفع ترى الموت الحمر من ....
عوض عن اللي صار سولف لذكراك =وابسط خيالك من خيالً شقابك
انت الوله والشوق وشلون ماضماك =صرت اشفقك واذكر ملامح عتابك
ذي فلسفة شاعر ولازال يهواك =ياملهمة شعري تراني اكتابك
اقري حروفً تنطرب يوم تقراك =وتقول لعيونك هلا ياهلابك

انا اعترف اني معك حيل قصرت
واخفقت باول تجربه في حياتي

لاكنك الغالي علي .. وين ماصرت
منساك لين انسى السجود بصلاتي

ليتك عقب هذا العمر شفت وبصرت
وميزّة وش مررّي معك من حلاتي

لاكنت من قسّوة دموعك تعصّرت
تبكي علي ابطيحتي من ثباتي


اقفيت عن شرع الغرام وتنصّرت
واخذت مع ذنب الهجر سيئاتي

من يوم ما صديت عن جيّتي .. صرت
ماحب في هذا الزمن غير ذاتي

تبقى ولو وسّعت ثوبك وخصّرت
اول بشر .. واخر بشر ..في حياتي



لـ جاسم الزعبوط الديحاني

ياحمود لاخايلت في لايح البرق = اللي عن ديار الزواريط شرقا
هذاك خد اللي سرق فرحتي سرق = مختص في سرقي والافكار سرقا
الموت والعيشه ترى مابها فرق = لاصار من تهواه ناوي بفرقا
فيني بنات الجن عنن على الطرق =وابدعت لي طرقً شكا فيه طرقا
صاحت وانا صيحت والوجهه الشرق =وقامت عيوني تدرق فيه درقا
وارسلت مرسولي على الساحل الغرق= بحر القصيد ومن جهل فيه غرقا
لام العيون اللي كم لمحت الزرق =اللي محادب عينها في زرقا
وشربت كاسي ثم سجع نايح الورق = كاسً من الخمر المصفى تمرقا
حتى اختلط ريقي وحلقي به الحرق = متعود من كاسها كل حرقا
ثم استدارت دون الايعاز للشرق = وقامت تخايل بالسماء كل برقا
ارقي وانا برقا وغيرك بعد يرق = ومن حولنا ياهيه قوليله ارقا
الموت والعيشه ترا مابها فرق = لاصار من نهواه ناوي بفرقا